བས་མཐར་ལོག་རྗེས།
སྨྲ་བ་འགག་པར་གྱུར།
ཆར་ཞོད་ཀྱི་རྗེས་སུ།
དགུན་ཁ་ཁད་ཀྱིས་ཚེས་སོང་།
སྐམ་ཞིང་རིད་པའི་ངོ་གདོང་།
བྱེ་ཐང་གི་སྡོང་བོ་བཞིན།
དགུ་ཚིགས་ཀྱི་ཕ་རོལ་དུ།
ཅི་འདྲའི་ཉམ་ཐག་པ་ཨང་།
དུས་ཚིགས་ཀྱི་གཙང་བོ་ལས།
གཅེས་འོས་པའི་མེ་ཏོག་དག
གློ་བུར་གློ་བུར་རྙིད་རྗེས།
མི་རྟག་པ་ནི་ཐ་སྙད་ཀྱིས་མཚོན་ཐབས་བྲལ།
བདག་གི་དུས་གསུམ་གྱི་ལོ་ཟླ།
རྩིགས་ལྡེབས་ངོས་ཀྱི་ཐ་གུར་བརྒྱུས་ནས།
སྙིང་རྗེ་བའི་མིང་རེ་སྦྱར་རྗེས།
རྡུལ་གྱི་དྲེག་པ་དང་མཉམ་དུ་མེ་རུ་བསྒྲོན།
ཟླ་འོད་བོར་བའི་ཕྱེ་ལེབ།
ངས་ཟླ་བར་བལྟས་ཏེ།
ཟླ་འོད་ཀྱི་ངོགས་ལས།
ཆེས་ཞི་བསིལ་ལྡན་པའི།
སྙན་ངག་ཅིག་འབྲི་དགོས་བསམས་མོད།
མཐར་ཟླ་འོད་ཀྱིས་ང་ལ་ཁེར་ཧྲེང་སྟེར།
སྐྱོ་གདུང་སྟེར། དྲན་པ་སྟེར། མིག་ཆུ་སྟེར།
མཇུག་ཏུ་ང་རང་སྐར་མའི་ཀོ་གྲུ་ཞིག་ཏུ་བསྐྱོན་ནས།
དགུ་ཚིགས་ཀྱི་གཙང་བོ་རབ་མེད་ཅིག་བརྒལ་ནས་སོང་།