ངེད་གསར་འགྱུར་གྱི་གསར་བཀོད། ཟླ་9ཚེས་25ཉིན། ཁུལ་ཨུའི་ཧྲུའུ་ཅི་ཏའེ་ཏེ་ཅུན་མའོ་རྫོང་དུ་ཕེབས་ནས་ཕྱོགས་བསྡུས་རྟོག་ཞིབ་མཛད་ཅིང་། ཟླ་མཆོད་དུས་ཆེན་སྐབས་ཀྱི་ལས་དོན་རེ་རེར་ལྟ་སྐུལ་མཛུབ་སྟོན་དང་བཀོད་གཏོང་མཛད་ལ། ཡུལ་དངོས་ཀྱི་ལས་བྱེད་ལས་བཟོ་བ་རྣམས་ལ་འཚམས་འདྲི་གནང་། ཁུལ་ཨུ་དང་ཁུལ་སྲིད་གཞུང་གི་ཚབ་མཛད་དེ་ཁུལ་ཡོངས་ཀྱི་མི་དམངས་ལ་རྟེན་འབྲེལ་ཞུས། ཁོང་གིས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འཕེལ་རྒྱས་དང་བདེ་འཇགས་གཅིག་འདོམས་སྐོར་གྱི་རྣམ་བཤད་གལ་ཆེན་ལ་གཏིང་ཟབ་མོར་སློབ་སྦྱོང་དང་དོན་འཁྱོལ་བྱེད་པ་དང་། ཞིང་ཨུ་དང་ཞིང་ཆེན་སྲིད་གཞུང་གི་འབྲེལ་ཡོད་བཀོད་སྒྲིག་བླང་བྱ་ཀུན་ནས་དོན་འཁྱོལ་བྱེད་པ། བདེ་འཇགས་འགན་སྲུང་དང་བརྩེ་ལྡན་ཞབས་ཞུ་ཡི་སྤྱི་ཁོག་གཡུལ་འགྱེད་དང་རང་རྟོགས་གཡུལ་འགྱེད་ལེགས་པར་བརྒྱབ་སྟེ། མི་དམངས་མང་ཚོགས་ལ་བདེ་འཇགས་ཞི་མཐུན་གྱི་དུས་ཆེན་རོལ་དུ་འཇུག་དགོས།
ཏིའེ་ཞི་གྲོང་རྡལ་ཧྲི་ཏ་ཀོན་གྲོང་ཚོ་ཏེང་ཙི་པ་ཡི་རི་ཉིལ་གནོད་འཚེ་ལྟ་ཞིབ་ས་ཚིགས་དང་ཡུལ་དངོས་བཀོད་འདོམས་པུའུ་རུ་ཕེབས་ཏེ། ཏའེ་ཏེ་ཅུན་གྱིས་གནོད་འཚེ་ལྟ་ཞིབ་ཚད་ལེན་དང་ཉེན་བརྡ། ལྐོག་ཉེན་རིམ་བཤེར་བཅོས་སྐྱོང་སོགས་ཀྱི་གནས་ཚུལ་ལ་རྒྱུས་ལོན་ཞིབ་མོ་མཛད་ཅིང་། དུས་ཆེན་ངལ་གསོའི་སྐབས་སུ་ཡུལ་དངོས་སྲུང་བའི་ལས་སྒྲུབ་པ་རྣམས་ལ་དུས་ཆེན་གྱི་རྟེན་འབྲེལ་ཞུས་ཤིང་། མ་ལག་རིག་ལམ་རྒྱུན་འཁྱོངས་དང་རང་བྱུང་གནོད་འཚེ་དང་སླར་འབྱུང་ཉེན་ཁ་ཡི་ཆོས་ཉིད་ལེགས་པར་ཁོང་དུ་ཆུད་པ་དང་སྦྲེལ་ཕྲེང་ལུགས་ཀྱི་དཔྱད་འཇོག་ལ་ཤུགས་སྐྱེད་པ། རིམ་པ་མི་འདྲ་བའི་ཉེན་ཁུལ་གྱི་དོ་དམ་ཚོད་འཛིན་གྱི་དམིགས་འབེན་དང་བྱེད་ཐབས་གསལ་བོར་གཏན་ལ་འཁེལ་བ། ལྟ་སྐུལ་ཚད་ལེན་དང་ཉེན་བརྡ་ཡི་སྟོབས་ཤུགས་ལམ་ལུགས་ཅན་དུ་བཀོད་སྒྲིག་བྱེད་པ། སྔོན་བཀོད་མཁོ་བསྟུན་སྒྲིག་ཆས་ཆ་ཚང་ཞིང་སྟོབས་དང་ལྡན་པར་སྒྲིག་བཀོད་བྱེད་པ། མི་མེད་འཕུར་གྲུ་སོགས་ཚན་རྩལ་ཅན་གྱི་བྱེད་ཐབས་ལེགས་པར་སྤྱད་དེ། རང་རྟོགས་ཁ་གཏད་དང་མཉམ་སྐུལ་ཤུགས་བསྐྱེད། ཉེན་ཁ་སྔོན་དཔག་དང་གཅིག་འདོམས་མཐུན་སྦྱོར། ཕྱོགས་བསྡུས་ཐག་གཅོད་བཅས་ཀྱི་འཇོན་ནུས་ཀུན་ནས་ཇེ་མཐོར་གཏོང་དགོས་ཞེས་ནན་གྱིས་བསྟན།
དེ་ནས་ཏའེ་ཏེ་ཅུན་ལུང་མདོ་གྲོང་རྡལ་མངགས་གཏོང་ཁང་དང་མའོ་རྫོང་མེ་གསོད་མྱུར་སྐྱོབ་རུ་ཁག་གི་སྔོན་བཀོད་ལས་རེས་ས་ཚིགས་སུ་ཕེབས་ཏེ། ལས་རེས་ཀྱི་ལས་བྱེད་ཉེན་རྟོག་དང་མེ་གསོད་མི་སྣར་འཚམས་འདྲི་གནང་ཞིང་། དུས་སྟོན་ངལ་གསོའི་སྐབས་ཀྱིས་ལས་རེས་ལས་སྲུང་སོགས་ཀྱི་གནས་ཚུལ་དྲིས།
རྟོག་ཞིབ་སྐབས་སུ། ཏའེ་ཏེ་ཅུན་གྱིས་མི་བཞི་ཐད་གཉིས་ཀྱི་ཐབས་ཤེས་ལ་བརྟེན་ནས་རྒྱལ་ལམ་213པའི་རྒྱུད་ཀྱི་གཞུང་ལམ་འགྲིམ་འགྲུལ་ཤར་གཏོང་དང་འགྲུལ་བའི་ཞབས་ཞུ་འགན་ལེན་སོགས་ཀྱི་གནས་ཚུལ་ལྟ་སྐུལ་མཛུབ་སྟོན་མཛད། ལམ་དཔོན་ལམ་ལུགས་ཀྱི་འགན་འཁྲི་སྔར་བས་ནན་པོ་དང་། མཚམས་བགོ་འགན་ལེན་དང་མི་མགོར་འགན་འབབ་ལག་ཏུ་བསྟར་བ། ནང་སྒོས་སུ་ཆུ་འགྲམ་གཡང་ཁ་དང་ཟམ་རྒྱུད་སྒང་ཟུར། སྒང་ལམ་འཁྱོག་ལམ་སོགས་ལམ་རྒྱུད་གཙོ་ཁག་གི་སྐོར་ཞིབ་ལ་ཤུགས་བསྐྱེད་དགོས་ལ། རྟགས་མཚན་བྱང་རྟགས་གཙོ་བོ་དང་ལམ་ངོས་བརླག་སྐྱོན་སོགས་བདེ་འཇགས་ཁྱབ་ཁོངས་ཀྱི་གནད་དོན་དག་ཐེར་ནན་མོ་བྱེད་པ། དོ་དམ་ཞིབ་ཕྲ་ཅན་དང་ལས་འགན་བྱེ་བྲག་ཅན་དུ་འཁྱོངས་པར་བྱས་ཏེ། མང་ཚོགས་དང་འགྲུལ་བ་རེ་རེའི་འགྲོ་འོང་སྔར་བས་འགན་སྲུང་དང་སྔར་བས་སྔོན་དཔག་ཡོད་པར་བྱེད་དགོས་ཞེས་ནན་གྱིས་བསྟན།
ཁུལ་གྱི་འགོ་ཁྲིད་སུང་ཡུང་དང་། མའོ་རྫོང་དང་ཁུལ་རིམ་འབྲེལ་ཡོད་ལས་ཁུངས་ཀྱི་འགན་ཁུར་བློ་མཐུན་སོ་སོར་ཞུགས།
