ངེད་གསར་འགྱུར་གྱི་གསར་བཀོད། ཟླ་9ཚེས་22ཉིན། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཅའོ་དབྱང་གིས་ཁུལ་སྲིད་གཞུང་གི་རྒྱུན་ལས་གྲོས་ཚོགས་ཐེངས་79པའི་གཙོ་འགན་བཞེས་ནས་འཚོགས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་མཛུབ་སྟོན་གལ་ཆེན་གྱི་དགོངས་དོན་ལ་སློབ་སྦྱོང་དང་བརྒྱུད་བསྒྲགས་བྱས་ཤིང་། ཁུལ་ཨུའི་བླང་བྱ་ལྟར་དུ། ལག་ལེན་དོན་འཁྱོལ་གྱི་གྲོས་གཞིར་ཞིབ་འཇུག་བྱས་པ་དང་། རྣམ་གྲངས་གལ་ཆེན་དང་མཐིལ་ལེན་རང་བཞིན་གྱི་དབུལ་སྐྱོར་སོགས་ཀྱི་ལས་དོན་བཀོད་སྒྲིག་བྱས།
གྲོས་ཚོགས་ལས་ནན་གྱིས་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧྲན་ཏུང་ཆིང་ཏའོ་གྲོང་ཁྱེར་པེ་ཧའེ་གྲུ་གཟིངས་བཟོ་གྲྭའི་ཟོག་འདྲེན་གྲུ་གཟིངས་ཤིག་གི་མེ་སྐྱོན་དོན་རྐྱེན་ཐད་ལ་གནང་བའི་མཛུབ་སྟོན་གལ་ཆེན་གྱི་དགོངས་དོན་ལ་སློབ་སྦྱོང་གཏིང་ཟབ་བྱས་ཏེ། ལྟ་སྐུལ་དོ་དམ་བྱ་ཡུལ་དང་ཁེ་ལས། ཡུལ་དངོས་མི་སྣར་བརྒྱུད་སྒྲོག་བྱས་ཏེ། མཐའ་གཅིག་ཏུ་སྣང་ཆུང་གི་བསམ་བློ་དང་སྟེས་དབང་གི་སེམས་ཁམས་ལ་བཟོད་བསྲན་དང་། ཐོན་སྐྱེད་ལ་མཐོང་ཆེན་བྱས་ནས་བདེ་འཇགས་ལ་སྣང་ཆུང་གི་ཕྱོགས་ལྷུང་གཏན་འགོག་བྱས་ཏེ། བདེ་འཇགས་ཀྱི་མཐའ་ཐིག་ནུས་ཤུགས་ཡོད་རྒུས་སྲུང་སྐྱོང་བྱེད་དགོས། ཉེན་ཁ་ཆེ་སའི་ལྷུ་ཚིགས་ལ་དམིགས་ནས། མེ་བཀོལ་ལས་སྒྲུབ་དང་བཟོ་གཏེར་ཁེ་ལས། རིག་ཡུལ་འདུ་གནས་སོགས་ལ་ཕྱོགས་ཡོངས་ནས་རིམ་བཤེར་བྱས་ཏེ། རྣམ་གྲངས་རེ་རེ་བཞིན་དག་ཐེར་དང་རེ་རེ་བཞིན་ཨང་སུབ་བྱེད་དགོས། ལྟ་སྐུལ་སློབ་སྟོན་རྗེས་འདེད་ལ་ཤུགས་བསྣན་ནས། ཁོངས་གཏོགས་དང་ལས་རིགས་སྡེ་ཁག ཁེ་ལས་དང་དེ་མིན་ཡུལ་དངོས་ཀྱི་ལས་གནས་བདེ་འཇགས་ལས་འགན་མི་སྣ་དང་ལས་གནས་སུ་དོན་འཁྱོལ་བྱས་ཏེ། རྗེས་འདེད་ལྟ་སྐུལ་དང་འགན་འདེད་གཟབ་ནན་རྒྱུན་རྣམ་ཅན་དུ་བྱས་ནས། གནོན་ཤུགས་བརྒྱུད་འདྲེན་དམིགས་སར་འབྱོར་བར་ཁག་ཐེག་བྱེད་དགོས།
（བདེ་མཆོག་སྐྱིད་ཀྱིས་བསྒྱུར།）
