ངེད་གསར་འགྱུར་གྱི་གསར་བཀོད། དུས་ཡུན་རིང་བོ་ནས་བཟུང་། ལིས་རྫོང་གིས་ལྟ་བ་དང་འབྲི་བ། ཞིབ་བཤེར་གྱི་ལས་ཀ་སྒྲུབ་སྟངས་སྤྱད་དེ་འདེམས་སྐོང་སློབ་མའི་རྟོག་ཞིབ་བྱེད་སྟངས་ལེགས་སུ་བཏང་ཞིང་། ཐབས་ལམ་དང་ཕྱོགས་མང་པོའི་ཐད་ནས་རྟོག་ཞིབ་བྱ་ཡུལ་གྱི་ལས་ཀ་དང་འཚོ་བའི་གནས་ཚུལ་ལ་རྒྱུས་ལོན་བྱས་པ་དང་། བྱང་ཚད་མཐོ་བའི་ནུས་ལྡན་མི་སྣ་འདེམས་སྒུག་བྱས་ཏེ་དྲོད་ཁོལ་ལྡན་པའི་ལིས་རྫོང་ལ་ལས་བྱེད་བཟང་པོ་སྐྱེད་སྲིང་བྱས།
དད་སེམས་ལ་བལྟས་ཏེ་དགོངས་དོན་རོལ་བ། ལས་ཀའི་གནས་བབ་ལ་ཉེ་བར་བལྟས་ཏེ་ཕྱོགས་བསྡུས་ཀྱིས་འདེམས་སྐོང་སློབ་མའི་ནང་སེམས་ཀྱི་རྣམ་པ་དང་བསམ་པའི་ཉམས་འགྱུར་ལ་དབྱེ་ཞིབ་བྱས་པ་དང་། འཚར་ལོངས་ཀྱི་བརྒྱུད་རིམ་ལ་རྒྱང་བལྟ་བྱས་ཏེ་འདེམས་སྐོང་སློབ་མའི་ཕུགས་བསམ་དང་ཆབ་སྲིད་ཀྱི་འདུ་ཤེས། དགོངས་དོན་གྱི་སྙིང་བོ་ལ་རྒྱུན་ལོན་བྱས་ལ། ལས་ཀའི་ཉམས་མྱོང་ལ་ཕྱིར་བལྟ་བྱས་ཏེ་འདེམས་སྐོང་སློབ་མའི་དོན་དངོས་ཀྱི་བསམ་ཚུལ་དང་ལས་བཀུར་གྱི་བསམ་པ་དང་དེ་བཞིན་སྙིང་དོན་གྱི་འདུ་ཤེས་སོགས་ཀྱི་གནས་ཚུལ་ལ་རྒྱུས་ལོན་བྱས།
དོན་དངོས་ལ་བློར་དྲིས་ཏེ་ཀུན་སྤྱོད་རྩད་གཅོད་བྱས་པ། སློབ་སྦྱོང་གི་གནས་ཚུལ་དང་ལས་ཀའི་དོན་དངོས། བསམ་བློའི་གོ་རྟོགས། རྩ་འཛུགས་སྒྲིག་ལམ་གྱི་འདུ་ཤེས་སོགས་ཀྱི་ནང་དོན་ལ་དམིགས་ཤིང་། དགེ་རྒན་དང་ཏང་ཀྲི་པུའུ་ཧྲུའུ་ཅི། སློབ་མ། སློབ་མའི་ལས་བྱེད་པ། དེ་བཞིན་རང་ཉིད་ལ་བློར་འདྲི་བ་སོགས་ཀྱི་བྱ་ཐབས་སྤྱད་དེ་འདེམས་སྐོང་སློབ་མའི་སྤྱོད་ལམ་དང་བྱ་བ་སྒྲུབ་སྟངས། བསམ་བློ་ཀུན་སྤྱོད་སོགས་ཀྱི་ཐད་ལ་རྒྱུས་ལོན་བྱས།
ཡིག་ཚགས་ལྟ་ཞིབ་བྱས་ཏེ་ཉམས་མྱོང་གསལ་བོ་སྟོན་པ། ཡིག་ཚགས་ལྟ་ཞིབ་བྱས་པ་དང་ཟིན་ཐོ་འཚོལ་བསྡུ་བྱས་པ། བྱས་མྱོང་ལོ་རྒྱུས་དབྱེ་ཞིབ་བྱས་པ། ཉམས་མྱོང་དཔྱད་བཤེར་བྱས། གཙོ་བོར་འདེམས་སྐོང་སློབ་མའི་རྒྱུགས་སྤྲོད་ཀྱི་ཆ་རྐྱེན་དང་དེ་བཞིན་བྱ་དགའ་ཆད་གཅོད་ཀྱི་གནས་ཚུལ་ལ་ཞིབ་བཤེར་བྱས་པ་དང་། ལས་བྱེད་པ་བསྐོ་སྤྱོད་ཀྱི་ཆ་རྐྱེན་དང་ཚད་གཞི་དང་མཐུན་མིན་ལ་ཞིབ་བཤེར་བྱས་ལ། དུས་ཐོག་ཏུ་གནད་དོན་ཡོད་མེད་ལ་ཤེས་རྟོགས་བྱུང་བ་བྱས་སོ།།
(གསང་བདག་སྒྲོལ་མས་བསྒྱུར།)