སྣང་ཞེན་ཐག་བརྒྱ་བྲེ་བའི་རྨི་ལམ་གྱི་རྟིང་མ།།
འདོད་ཁམས་བརྩེ་བ་མེད་པའི་རང་ཤུག་གི་སྤྱིལ་བུ།།
མཐའ་མེད་མྱ་ངམ་ཐང་གི་ཏིང་འཛིན་གྱི་སྒོམ་པ།།
ཆགས་ཞེན་གདོང་བ་བསུ་བའི་དབྱངས་རྟ་ལ་བྲེལ་སོང་།།
སྐྱོ་ཤས་མིག་གི་ཆུ་རིས་འཁྲལ་འཁྲུལ་གྱི་ཕུང་བོ།།
སྒྱུ་མའི་སྙིང་བོ་བརྐུ་བའི་བསྡུས་གཟུགས་ལ་ཕྱོགས་དུས།།
ངེས་མེད་འཁོར་བའི་གྲོང་གི་ཁེར་རྐྱང་གི་སྣང་བ།།
སེམས་འདི་གཏད་སོ་མེད་པ་སྲོད་དུས་ཀྱི་ཕྱིར་མིག།
ལས་ཉོན་ཉིན་སྲིབ་བརྒལ་བའི་ངལ་དུབ་ཀྱི་ཨ་ཀྲད།།
འདོད་ཞེན་ཆུ་ཁར་གཡེང་བའི་འཛིན་མེད་ཀྱི་གཟུགས་རིས།།
སྲིད་པའི་སྒལ་བར་དཔྱངས་བའི་དོན་མེད་ཀྱི་རྨི་ལམ།།
བྱེ་མའི་རི་ལ་བྲིས་པའི་མེ་ཏོག་གི་ཕུང་བོ།།
སུན་སྣང་རི་ལ་བསྙེས་པའི་དོན་མེད་ཀྱི་ཉིན་ཞག།
སྟོང་བསམ་ལག་ཟུང་བཟེད་པའི་བར་སྐལ་ལས་ཤོར་སོང་།།
སྐད་ཅིག་སྙིང་བོ་འཚོལ་བའི་དེ་རིང་གི་ནམ་ཟླ།།
སྨུག་པའི་གཙང་བོ་བརྒལ་བའི་ལས་དབང་འདིས་ཐལ་སོང་།།