ཟླ་1ཚེས་16ཉིན་རྔ་བ་ཁུལ་གྱིས་ཞིང་ཨུའི་སྐོར་ཞིབ་ཚོ་ཆུང་གིས་བཏོན་པའི་བསམ་འཆར་དོན་འཁྱོལ་བྱས་ནས་དག་ཐེར་ལེགས་བཅོས་བྱ་བའི་སྐུལ་སློང་ཚོགས་ཆེན་འཚོགས། ཁུལ་ཨུའི་ཧྲུའུ་ཅི་ལིའུ་ཕིང་ཚོགས་ཆེན་དུ་ཕེབས་ནས་གསུང་བཤད་གནང་། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་དབྱང་ཁེ་ཉིང་གིས་ཚོགས་ཆེན་གྱི་གཙོ་འགན་བཞེས། ཁུལ་དམངས་འཐུས་རྒྱུན་ཨུ་ཁང་གི་ཀྲུའུ་རེན་ཀུའུ་ཡུན་ལུང་དང་ཁུལ་སྲིད་གྲོས་ཀྱི་ཀྲུའུ་ཞི་ཉི་མ་འབུམ། ཁུལ་ཨུའི་ཧྲུའུ་ཅི་གཞོན་པ་ལི་ཝེ་གོ་དང་ཝུའུ་ལི་ཡན་རྣམས་ཚོགས་ཆེན་དུ་ཕེབས།སྐུལ་སློང་ཚོགས་ཆེན་ནི་བརྙན་འཕྲིན་ཁ་པར་གྱི་ལམ་ནས་འཚོགས་པ་དང་། འབར་ཁམས་སུ་འཚོགས་ར་གཙོ་བོ་དང་། རྫོང་ཁག﹙གྲོང་ཁྱེར﹚སོ་སོར་ཡན་ལག་འཚོགས་ར་བཙུགས་ཡོད།