ཟླ་3ཚེས་26ཉིན་གྱི་སྔ་དྲོར། རྔ་བ་ཁུལ་གྱི་2020ལོའི་དུས་ཚིགས་དང་པོའི་རྣམ་གྲངས་གལ་ཆེན་དག་གཅིག་སྡུད་ཀྱིས་ལས་མགོ་རྩོམ་པ་དང་ཏུའུ་ཅང་ཡན་ནས་སྐུ་བླ་རི་བོའི་བར་གྱི་རི་ཁུལ་ལྕགས་ལམ་གྱི་འགྲུམ་འགྲིལ་དབུལ་སྐྱོར་རྣམ་གྲངས་ལས་མགོ་ཚུགས་པའི་སྐུལ་སློང་ཚོགས་འདུ་ཝུན་ཁྲོན་རྫོང་དུ་འཚོགས། རྔ་བ་ཁུལ་གྱི་2020ལོའི་དུས་ཚིགས་དང་པོའི་རྣམ་གྲངས་གལ་ཆེན་དག་གཅིག་སྡུད་ཀྱིས་ལས་མགོ་རྩོམ་དགོས་པའི་རྣམ་གྲངས་གཙོ་བོ་49དང་། ལོ་རེའི་འཆར་གཞི་ལ་མ་དངུལ་སྒོར་དུང་ཕྱུར་36.24གཏོང་རྩིས་ཡོད་ལ། འགྲིམ་འགྲུལ་དང་གྲོང་ཁྱེར་འཛུགས་སྐྲུན། དམངས་འཚོ། ཐོན་ལས། སྐྱེ་ཁམས། ཁོར་ཡུག་སྲུང་སྐྱོང་སོགས་མང་ཚོགས་ཀྱི་ཐོན་སྐྱེད་འཚོ་བ་དང་འབྲེལ་བ་ཡོད་པའི་ཕྱོགས་མང་པོ་འདུས་ཡོད།