སྲོད་ཀའི་མེ་ལོང་ནང་དུ།།
མཚམས་སྤྲིན་མེ་ཏོག་ཤར་དུས།།
རྒྱུ་སྐར་ཁྲོད་ཀྱི་འོད་དཀར།།
ཤར་རིའི་རྩེ་ནས་འཛུམ་ཡོང་།།
མིག་གིས་མཐོང་བ་ཡོད་ཀྱང་།།
ལུས་ཀྱིས་རེག་པ་མེད་པའི།།
མགུར་ཆུང་ནང་གི་ཟླ་གཞོན།།
དྲན་པ་མཚོ་རུ་ལྷུང་འདྲ།།
མིག་ཟུང་སྐར་ཕྲན་ཆ་གཅིག།
མིག་བརྡ་སྙིང་ལ་ཕོག་བྱུང་།།
ཞལ་རས་གོར་གོར་དེ་ཡང་།།
ང་རང་ཁོ་ནར་ཕྱོགས་འདྲ།།
སྒེའུ་ཁུང་འགྲམ་གྱི་ལྕང་རྒན།།
ལོ་མ་རླུང་གིས་འདེད་དུས།།
འུ་གཉིས་འཕྲད་པའི་སྟོན་ཟླ།།
དོ་ནུབ་སླར་ཡང་དྲན་བྱུང་།།
མི་ཚེའི་གྲུ་ཟུར་རེ་ནས།།
རེ་བ་རླུང་ལ་མ་བཅོལ།།
ལས་ལ་བསྐོས་པའི་རི་མོ།།
ཡིད་ཀྱི་འཕར་ལྡིང་ཡིན་སོང་།།
སྟོང་གསུམ་རི་ཆུའི་ཕར་ནང་།།
དྲན་གདུང་ནགས་མའི་ཚུར་ཤོད།།
རྨི་ལམ་བརྒྱ་ཕྲག་རུམ་སྟེ།།
སེམས་དང་སེམས་པ་འདྲེས་ཡོད།།
འཁོར་བའི་ཉིན་སྲིབ་བར་ནས།།
མི་ཚེའི་བདེ་སྡུག་གླེང་ཞོར།།
སེམས་ཀྱི་ཟབ་སར་ལྷག་པའི།།
སྙན་ངག་མེ་ཏོག་ཁྱོད་ཡིན།།
མི་ཁའི་ཚེར་ལམ་བརྒྱུད་དུས།།
གོམ་ཆུང་ངལ་བ་ལྕི་ཡང་།།
ཁྱོད་ཀྱི་ཞལ་རས་བསམ་ན།།
ཞེན་ཆགས་གྲོལ་བ་མི་འདུག།
ན་ནིང་བཏབ་པའི་སྨོན་ལམ།།
ད་ལོ་བྲིས་པའི་ཡིག་ཆུང་།།
བསུབས་ཀྱང་བསུབ་རྒྱུ་མེད་པ།།
འདང་བརྩེའི་རི་མོ་ཡིན་སོང་།།
བརྗེད་མེད་ལོ་ཟླའི་དྲན་ཤིང་།།
འགྱུར་མེད་གཡུང་དྲུང་གཡས་འཁྱིལ།།
སྟོན་མཚན་ཟླ་བའི་འཛུམ་དཀར།།
སུ་དང་འགྲན་ཐབས་མ་བྱུང་།།
